აპლიკაცია უნდა შეივსოს ინგლისურ ენაზე. გთხოვთ გაითვალისწინოთ, რომ აპლიკაციის გარკვეული დავალებები უნდა შეასრულონ არა მხოლოდ აპლიკანტმა და მისმა მშობლებმა, არამედ მისმა მასწავლებელმა და ისეთმა ვინმემ, ვინც ძალიან კარგად იცნობს აპლიკანტს კლასგარეშე აქტივობებში.

აპლიკაციის შესავსებად საჭირო დოკუმენტები (დოკუმენტების თარგმნა არ არის საჭირო, თუ ეს არ იქნება მითითებული):

•  აპლიკანტის პასპორტის (მთავარი გვერდი ფოტოთი), პირადობის ან დაბადების მოწმობის სკანირებული ასლი.
•  ბოლო სრული სასწავლო წლის აკადემიური მოსწრების სკანირებული ასლი (მე-10 კლასის მოსწავლეებს შეუძლიათ გამოიყენონ ზოგადი საშუალო განათლების სერტიფიკატი).
• პერსონალური მონაცემების დამუშავებაზე თანხმობის შევსებული და ხელმოწერილი სკანირებული ასლი.
• საკუთარი ფოტოს სკანირებული ასლი.

აპლიკაცია შედგება შემდეგი დავალებებისგან:

დავალებები „პერსონალური ინფორმაცია“ და „საკონტაქტო ინფორმაცია“ უნდა შესრულდეს აპლიკანტის მიერ. ეს სექციები ეხმარება UWC-ს გაიგოს, როგორ ფიქრობს აპლიკანტი, არის თუ არა იგი შესაფერისი კანდიდატი UWC-სთვის და რამდენად შეესაბამება UWC აპლიკანტს.

„აკადემიური ინფორმაციის“ სექციაში ემატება აპლიკანტის აკადემიური მოსწრების ხელმოწერილი და ბეჭედდასმული ასლი, აპლიკანტის ბოლო სასწავლო წლის შეფასებების ჩათვლით (მე-10 კლასის მოსწავლეებს შეუძლიათ დაურთონ მე-9 კლასის დამამთავრებელი მოწმობის ასლი).

„აპლიკაციის ძირითადი ინფორმაცია“ მოიცავს კითხვებზე პასუხის გაცემას და 50-დან 400 სიტყვამდე მოკლე ესეების დაწერას. ბოლო სამი წლის განმავლობაში მიღწევების არსებობის შემთხვევაში ემატება დოკუმენტი/ები - დასტური (პრემია, დიპლომი, სერთიფიკატი).

სექცია „მშობელ(ებ)ის/მეურვე(ები)ს ინფორმაცია და ავტორიზაცია“ საჭიროა იმის დასადასტურებლად, რომ ისინი მხარს უჭერენ აპლიკანტის გადაწყვეტილებას UWC-ში აპლიკაციის შეტანის თაობაზე და რომ აპლიკანტი აცნობიერებს UWC-ში აპლიკაციის შესატანად არსებულ ყველა პირობას.

განაცხადი ჩაითვლება დასრულებულად და დაექვემდებარება განხილვას მხოლოდ ყველა სექციის / დავალების დასრულებულად მონიშვნის შემთხვევაში. ყველა ტექნიკური ინსტრუქცია, თუ როგორ უნდა შეასრულოთ ეს დავალებები, მოწოდებული იქნება სააპლიკაციო პლატფორმაზე.

ეს ტესტი მიზნად ისახავს შეაფასოს, თუ როგორ შეუძლიათ კანდიდატებს სხვადასხვა ამოცანის ამოხსნა. ტესტი შედეგება ორი, ვერბალური და არავერბალური, სექციისგან. თითო სექციაში არის 20 (ჯამში 40) შეკითხვა და გრძელდება 40 წუთი. ტესტი არ აფასებს კანდიდატის ცოდნას რომელიმე მიმართულებით, არამედ მიზნად ისახავს აჩვენოს კომისიას, თუ როგორ აზროვნებს კანდიდატი და როგორ იყენებს ის სხვადასხვა სახის ინფორმაციას, რათა უპასუხოს დასმულ შეკითხვებს. 

ტესტის დაწყებამდე შეგიძლიათ აირჩიოთ ენა, რომელზეც გსურთ ტესტის დაწერა. ეს შესაძლოა იყოს როგორც თქვენი მშობლიური ენა, ისე სხვა ენა. ტესტის დასაწერად შერჩეული ენა გავლენას არ ახდენს მის შედეგებზე. ამ ეტაპისთვის წინასწარი მომზადება არ არის საჭირო.